الملح كاتدوّد.. زجل بقلم فاطمة امزيل
الملح كاتدوّد
( من زجليات فاطمة امزيل
)
يقرأه الاخرون
كذب من قال
الملح مايدوّد
ملي يبان لغدر
لملح يكحال ويتسوّد
والقلوب تتعفن
ؤ ماتلقى على من تتسند
مابقى يحكم فالناس
طعام
ولا ينفع بعد العشرة
كلام
كل واحد وعلاش اتعوّد
الدم لخبيث
واخا تسقيه دمك
عمرو مايتنقّى
ولّا يتجدّد
بين اللقمة واللقمة
تجفر لمحبة
يتعفن بلغدر الجوف
وتنخر ملح الطعام
فلقلوب
ؤ تدوّد
فاطمة امزيل سفيرة المحبة